

स्वच्छ, सुंदर आणि विकसित गावाकडे वाटचाल
ग्रामपंचायत कौठा हे सर्व नागरिकांच्या सहकार्याने शाश्वत विकास आणि समृद्ध ग्रामजीवनासाठी कटिबद्ध आहे.
ग्रामपंचायत कौठा ही आपल्या गावाच्या विकासासाठी, नागरिकांना आवश्यक सेवा उपलब्ध करून देण्यासाठी आणि शासनाच्या विविध योजनांची माहिती जनतेपर्यंत पोहोचवण्यासाठी कार्यरत आहे. या संकेतस्थळावर ग्रामपंचायतीच्या सूचना, शासकीय योजना, नागरिक सेवा आणि महत्त्वाची माहिती उपलब्ध करून दिली जाईल. मौजे कौठा हे गाव नेवासा तालुक्यातील पावनभूमीत वसलेले आहे. ज्या भूमीत सातशे वर्षांपूर्वी जगाला दिशा दाखवणारा ‘ज्ञानेश्वरी’ हा पवित्र ग्रंथ लिहिला अशा तालुक्यात हे गाव वसलेले आहे. तसेच पुण्यश्लोक अहिल्याबाई होळकर यांचा जन्म ज्या जिल्ह्यामध्ये झाला अशा अहिल्यानगर जिल्ह्यात कौठा हे गाव वसलेले आहे. नेवासा पासून कोठा गावाचे अंतर २४ कि.मी. आहे, तसेच प्रसिद्ध शनिशिंगणापूर पासून कौठा गावाचे अंतर १४ कि.मी. एवढे आहे.
२०११ च्या जनगणनेनुसार गावाची २७९६ इतकी लोकसंख्या आहे. त्यामध्ये पुरुष १४३४ आणि महिला १३६२ आहेत. अनुसूचित जातीची/जमातीची लोकसंख्या ६८९ इतकी आहे. त्यापैकी अनुसूचित जातीची लोकसंख्या ५७७ इतकी आहे तर अनुसूचित जमातीची लोकसंख्या १२१ इतकी आहे. गावातील साक्षरतेचे प्रमाण पुरूष.८५.५५% स्रिया ६८.११% इतके आहे. कौठा गावाचे एकूण क्षेत्रफळ १२९९.२७ हेक्टर इतके आहे.
गावातील लोकांचा शेती हा प्रमुख व्यवसाय आहे. त्याबरोबर शेतीला जोडधंदा म्हणून पशुपालन व्यवसाय केला जातो. गावातील शेती ही मुळा कॅनॉलवर अवलंबून आहे. गावात इयत्ता १ ते ४ जिल्हा परिषद प्राथमिक शाळा आहे. या शाळेत एकुण १४२ विद्यार्थी शिक्षण घेत आहेत पैकी मुले ६२ व मुली ८० आहेत. शाळेचा परिसर अगदी हिरवाईने नटलेला आहे. त्याचबरोबर गावात गावठाण, अंगणवाडी, गावठाण २, दरंदले वस्ती, हनुमानवाडी अशा ४ अंगणवाड्या आहेत. गावात इयत्ता ५ वी ते १० वी पर्यंत शिक्षणासाठी राजे संभाजी माध्यमिक विद्यालय आहे आणि परिसरातील ४०२ विद्यार्थी शिक्षण घेत आहेत.
तसेच गावाच्या परिसरात काळे वस्ती, भासार वस्ती, शेळके वस्ती, चक्रनारायण वस्ती, डेरे वस्ती, वाघ वस्ती, दरंदले वस्ती, हनुमान वाडी अशा वस्त्या आहेत.
गावात प्राचीन काळातील श्रीराम मंदिर, विठ्ठल रुक्मिणी मंदिर, चिदंबरम स्वामी मंदिर, यमाई देवी मंदिर आहे.
मुख्य पिके: ऊस, कपाशी, गहू, सोयाबीन, तूर, हरभरा.
फळबागा: डाळिंब, केळी.
नागरिकांसाठी महत्त्वाच्या सेवा
शासकीय योजना
शासनाच्या विविध योजनांची माहिती व पात्रतेविषयी मार्गदर्शन.
अर्ज व डाउनलोड
नागरिकांसाठी उपलब्ध अर्ज, नमुने व आवश्यक कागदपत्रे.
तक्रार नोंदणी
आपल्या समस्या व तक्रारी ग्रामपंचायतीपर्यंत पोहोचवा.
संपर्क
ग्रामपंचायत कार्यालयाशी संपर्क साधण्यासाठी आवश्यक माहिती.
सूचना व जाहिराती
ग्रामपंचायतीच्या नवीन सूचना, घोषणा आणि महत्त्वाच्या अद्यतनांसाठी येथे भेट द्या.

आमच्या गावाविषयी
ग्रामपंचायत कौठा येथे गावाच्या विकासासाठी, नागरिकांना आवश्यक सुविधा उपलब्ध करून देण्यासाठी आणि सार्वजनिक हिताच्या उपक्रमांना प्रोत्साहन देण्यासाठी कार्य केले जाते.
लोकप्रतिनिधी
सरपंच
उपसरपंच
सदस्य
गावाची छायाचित्रे


